Pasditen e sotme u raportua për një aksident të rëndë në aksin rrugor Librazhd-Qafë Thanë, në fshatin Pishkash.
Një mjet tip “Benz” është përplasur me mjetin tip “Ford”, ku si pasojë ka humbur jetën drejtuesi i mjetit “Ford”.
Shtetasi A.V., rreth 45 vjeç, ka ndëruar jetë në Spitalin e Librazhdit.
Së fundmi, është bërë me dije se viktima është Ardian Vreto.
Mësohet se Vreto, ish-punonjës policie në Librazhd, është vëllai i kreut të degës së PD në Librazhd.
Po ashtu, kanë mbetur të plagosur çifti Adnan e Frida Sofa si dhe një grua tjetër.
Ata janë transportuar në spital.
