Kryetari i Partisë së Lirisë, Ilir Meta, u pyet në një konferencë për media për aferën e inceneratorëve. Në përgjigje, Meta tha se SPAK duhet të sqarojë se ku janë përdorur 60 milionë euro të Inceneratorit të Tiranës, një çështje e përmendur nga Ahmetaj në një intervistë. Gjatë konferencës, Meta u shpreh se nuk e kishte ndjekur lajmin sot për shkak të angazhimeve të tjera, duke përfshirë vizitën në Azerbajxhan.
Pyetje: Unë dua të pyes për një çështje të fundit, pasi SPAK i ka komunikuar zyrtarisht akuzat, ish-ministrit Arben Ahmetaj, Mirel Mërtiri dhe Klodian Zoto për çështjen e inceneratorëve. Duke qenë se kjo çështje është denoncuar shpesh herë nga opozita, nga ju vetë, për atë që e cilësoni si afera e djegësave, si e cilësoni ju të gjithe procesin hetimor nga SPAK. A jeni ju i kënaqur me këto rezultate? Faleminderit.
Përgjigje: Ne prisnim ndonjë zhvillim për sa i takon akuzave ndaj ish-ministrit Ahmetaj, lidhur me pronarin faktik të inceneratorit të Tiranës, që janë bërë publike.
Prisnim ndonjë rezultat për ato 60 milionë euro që sipas tij, që pasdyshim ka pasur dijeni të plotë, sepse ka qenë numri dy i qeverisë dhe i financave, se ku kanë shkuar ato 60 milionë euro?
