Prej disa kohësh Richard Grenell, ambasadori amerikan në Gjermani dhe i dërguari i posaçëm i Trump, gjendet në Ballkan ku po zhvillon takime me përfaqësues të Kosovës dhe Serbisë për të arritur një marrëveshje mes dy vendeve.
Disa javë më parë ai takoi krerët e dy vendeve: Thaçi dhe Vuçiç, të cilëve u propozoi që Serbia të njihte pavarësinë e Kosovës dhe kjo e fundit të hiqte taksën e plotë ndaj mallrave serbe, ggjë e cila u mirëprit nga Thaçi, por presidenti serb pati një reagim krejt të kundërt.
Mirëpo, SHBA ndryshoi papritur mendim dhe disa ditë më parë kërkoi që Kosova të heqë taksën madje kërcënoi se do anulonte të gjitha projektet investimeve në Kosovë, derisa qeveria e Kosovës të anulojë taksën kundër mallrave të Serbisë.
I gjetur nën presion, Kurti u shpreh i gatshëm për ta hequr taksën pavarësisht nëse Beogradi zyrtar kërkon apo jo falje për genocidin në Kosovë, megjithatë deri më tani nuk është arritur asnjë marrëveshje.
Shtetet e Bashkuara të Amerikës janë shumë të vendosura në qëllimin e tyre pasi së fundmi kanë shkuar një hap përpara në presionin ndaj qeverisë së Kosovës për heqjen e taksës ndaj mallrave serbe.
Bëhet me dije se Ambasadori i SHBA-së, Philip Kosnett, i ka thënë Kryeministrit Kurti se SHBA po shqyrton edhe mundësinë e heqjes së trupave të saj nga Kosova, nëse nuk hiqet taksa ndaj Serbisë.
Prej disa muajsh është spekuluar se amerikanët po shqyrtojnë heqjen e kampit ‘Bondsteel’ nga Kosova – nëse lidershipi politik i saj vazhdon të mos-bindet ndaj sugjerimeve ndërkombëtare për heqjen e taksës.
Lexo edhe : Çfarë po përpiqet të bëjë SHBA? Anulon investimet në Kosovë derisa të hiqet taksa ndaj Serbisë
