Policia ka arrestuar mbrëmjen e djeshme pronarin e Universitetit Europian të Tiranës Henri Çili.
“Dosja.al” shkruan se bashkë me të janë arrestuar edhe drejtori juridik i UET, Ilir Korbi dhe 5 persona të tjerë.
Mësohet se ata janë arrestuar për llogari të Gjykatës së Gjirokastrës.
Shkak për arrestimin e tyre është bërë ndikimi që kanë pasur tek gjyqtarët për lirimin nga burgu të bandës së Lazaratit.
Mendohet se Çili ka korruptuar një gjyqtar, emri i të cilit nuk është bërë ende i ditur.
Mbi 7 të arrestuarit rëndon akuza e korrupsionit pasiv dhe aktiv në drejtësi.
Gjatë natës, policia ka zhvilluar edhe kontrolle në Universitetin Europian të Tiranës.
