Heiko Maas: Të rinjtë po ikin nga Shqipëria, luftoni korrupsionin

Google+ Pinterest LinkedIn Tumblr +

Shqipëria po braktiset nga të rinjtë, nuk të mbyllim sytë para kësaj situate, që ka prekur shtetet e Ballkanit, deklaron ministri Federal i Punëve të Jashtme të Gjermanisë, Heiko Maas. Sipas tij, popullsia në rajon po shkon drejt plakjes.

Njerëzit në Ballkan e kanë emigracionin në ADN, pra nuk pop kërkon ndaljen e lëvizjes së njerëzve. Por, theksoi ai, përpjekjet duhen bërë për të luftuar korrupsionin, zhvillimin e ekonomisë, diskriminimin dhe shërbimin social.

“Nuk mund t’i mbyllim sytë ndaj problemeve, që shkakton “rrjedhja e vazhdueshme e trurit” në Ballkanin Perëndimor. Shifrat janë marramendëse: ‘The Economist’ parashikon që popullsia e Bosnjë dhe Hercegovinës në vitin 2050 do të jetë rrudhur me më shumë se një të tretën e saj krahasuar me 1990. Shifrat për Shqipërinë dhe Serbinë janë të ngjashme.  Dhe 71 % e të rinjve në vendet e Ballkanit Perëndimor janë duke marrë në konsideratë lëvizjen jashtë vendit, siç tregon një studim i fundit i Këshillit të Bashkëpunimit Rajonal. Pagat më të mira jashtë vendit janë sigurisht një faktor i fortë tërheqjeje. Por emigracioni nga Ballkani Perëndimor nuk ka të bëjë vetëm me mundësitë ekonomike, siç konstaton një studim i fundit i Fondacionit Friedrich Ebert,” tha ministri Maas duke folur për rajonin.

GazetaReforma.com/

 

Shpërndaje
Share.

Komento