Ngërçi politik në Kosovë është drejt zzgjidhjes, pasi LDK dhe AAK kanë gjetur gjuhën e përbashkët.
Lajmin e ka dhënë kreu i AAK, Ramush Haradinaj, pas takimit me kreun e LDK, Isa Mustafa.
Haradinaj bën me dije se AAK ka marrë ministrinë e Drejtësisë, Arsimit, Punëve të Jashtme dhe Zhvillimit Ekonomik.
Kreu i AAK u shpreh se në krye të ministrisë së Drejtësisë do të vendoset Selim Selimi, në krye të ministrisë të Punëve të Jashtme Meliza Haradinaj, Blerim Kuci në ministrinë e Zhvillimit Ekonomik dhe Ramë Likaj në krye të ministrisë së Arsimit.
“Sot bashkë me të nominuarin për zëvendëskryeminsitër, Besnik Tahiri, patëm një takim me kryetarin e LDK-së Isa Mustafa, po ashtu me të nominuarin për kryeministër, Avdullah Hoti. E kemi nënshkruar marrëveshjen me AAK-në dhe jemi drejt krijimit të qeverisë“, u shpreh Haradinaj.
Ministritë e tjera janë marrë nga LDK e Isa Mustafës, i cili pak ditë më parë i dërgoi emrin e Avdullah Hotit në Tavolinë Thaçit, si kandidat për kryeministër, pas shkarkimit të Albin Kurtit.
Ky i fundit ndërkohë ka paralajmëruar se pas përfundimit të pandemisë do të ngrejë qytetarët në protestë.
