Irani ka rihapur zyrtarisht Ngushticën e Hormuzit për të gjitha anijet tregtare, duke i dhënë fund bllokimit të një prej korridoreve më strategjike të transportit global të naftës dhe mallrave.
Vendimi është bërë publik nga ministri i Jashtëm iranian, Abbas Araghchi, i cili sqaroi se kjo lëvizje lidhet drejtpërdrejt me armëpushimin e shpallur në Liban dhe do të mbetet në fuqi deri në përfundim të tij javën e ardhshme.
“Në përputhje me armëpushimin në Liban, kalimi për të gjitha anijet tregtare përmes Ngushticës së Hormuzit shpallet plotësisht i hapur për periudhën e mbetur të armëpushimit, sipas korridorit të koordinuar siç është njoftuar më parë nga Organizata e Porteve dhe ajo Detare e Republikës Islamike të Iranit”, shkroi ai në rrjetin social X.
Rihapja e Ngushtica e Hormuzit konsiderohet një zhvillim me ndikim të drejtpërdrejtë në tregjet ndërkombëtare, pasi kjo rrugë detare përbën një nga arteriet kryesore të furnizimit global me energji.
