Kryetari i grupit të Partisë Demokratike, Gazment Bardhi, ka reaguar ashpër ndaj ministrit Ervin Hoxha, pas akuzave të këtij të fundit, i cili e quajti “përsëritës” dhe “gënjeshtar”.
Në përgjigjen e tij, Bardhi e akuzoi ministrin se mbështet grupet kriminale në Durrës, duke e cilësuar si përfaqësues të një karteli. Ai shtoi se vëllai i ministrit është përfshirë në abuzime në OSHEE, duke e akuzuar për vjedhjen e parave të qytetarëve.
Duke e cilësuar Hoxhën si një ushtar të grupeve kriminale, Bardhi tha se ky është i emëruar në detyrë përmes marrëveshjeve me banda dhe se kolegët e dinë këtë fakt.
