Gruaja e tij u bë “mollë sherri” për vrasjen në Kavajë, burri i Marsidës kërkon informacione nga burgu në Gjermani

Google+ Pinterest LinkedIn Tumblr +

Kavaja u trondit në orët e para të mëngjesit të sotëm nga një krim pasioni.

Dritan Haxholli hyri në shtëpinë e ish-të dashurës së tij, Marsida Qatja me kallashnikov, por nuk doli më i gjallë nga aty.

Pasi hapi zjarr ndaj personave që ndodheshin brenda, ai u qëllua me pistoletë nga shefi i sigurisë së burgjeve të Durrësit, Bledar Toçi, i cili ishte i dashuri i ri i Marsidës.

Kjo e fundit ishte e martuar dy herë, dhe kishte tre fëmijë.

Burri i saj aktual po vuan dënimin në një burg në Gjermani për drogë.

Sipas “Tv Klan”, ai është interesuar nga Gjermania dhe kërkon të dijë ç’ka ndodhur me gruan dhe fëmijët e tij.

Mësohet se burri i Marsidës, i ka kërkuar një të afërmi nga Kavaja, që të shkojë në banesën ku ndodhi krimi dhe t’i dërgojë disa foto në rrjetet sociale.

Situata aty është kaotike, duke filluar nga grila e thyer e derës së ballkonit, mbeturinat e hedhura përtokë dhe dyshemeja e gjakosur.

Marsida Qatja ka deklaruar përpara hetuesve, se ish-i dashuri i saj, Dritan Haxholli kishte shkuar rreth orës 00:45 në banesën e saj, i armatosur me kallashnikov.

E frikësuar nga përndjekjet e vazhdueshme, 30-vjeçarja kishte kërkuar ndihmën e shefit të sigurisë së burgut të Durrësit, Bledar Toçi dhe dy komshinjve të saj.

Pas debateve, Haxholli dhe Toçi nisën shkëmbimin me armë zjarri.

Si pasojë e përleshjes, Haxholli mbeti i vdekur, ndërsa Toçi i plagosur.

Ky i fundit ndodhet në spitalin e Traumës jashtë rrezikut për jetën.

Atij i është komunikuar masa e arrestit për vrasje me dashje.

Shpërndaje
Share.

Komento