Fushata elektorale ka filluar vrullshëm në vendin tonë, ndërsa nuk kanë mbetur pa u përfshirë edhe gratë e politikanëve. Vëmendjen më të madhe kohët e fundit e ka marrë bashkëshortja e kreut të Partisë Demokratike, Lulzim Basha. me postimet e pazakonta që ajo ka bërë në instagramin e saj. Aurela Basha ka vazhduar mbështetjen për bashkëshortin e saj edhe duke debatuar me komentuesit. Më herët ajo postoi një foto ku i shprehte dashurinë Bashës për Shën Valentin, por kjo nuk ka marrë vetëm komente pozitive. Një ndjekës e pyet Aurela Bashën se si është të jesh gruaja e një politikani që nuk ka fituar asnjë betejë politike. Ndërkohë, ajo i përgjigjet se Basha ka fituar beteja të paimagjinueshme në PD.
Pjesë nga komentet:
Qytetari Nardi Haxhiu: Si ndihesh të jesh gruaja e një politikani që nuk ka fituar asnjë betejë politike?
Bashkëshortja e liderit demokrat, Aurela Basha: Duket se nuk e njeh. Më vjen keq për ty. Unë ndihem super, sepse ai ka fituar si askush tjetër, beteja të paimagjinueshme për PD-në.
Në vitin 2005 mundi Ben Ahmetajn, në një zonë që nuk kishte votuar kurrë PD-në. më 2009 fitoi Elbasanin, në 2011 mori 50 mijë vota më shumë për PD-në në Tiranë dhe mundi Ramën, më 2016 fitoi betejën për dekriminalizimin etj etj etj.
Ka bërë edhe opozitën më të fortë, duke pasur të gjithë kundër. Po deshe më, më thuaj.
