Gjykata greke dënoi me 13 vjet burg udhëheqësin e Agimit të Artë Nikos Mihaloliakos si dhe gjashtë anëtarë të tjerë për themelimin dhe drejtimin të të organizatës kriminale.
Sa i përket vrasësit të këngëtarit Pavlos Fisas, Jorgos Rupakias gjykata vendosi dënim të përjetshëm si dhe 10 vite shtesë për anëtarësimin në këtë organizatë.
Bashkëpunëtori i tij në krim Ioanis Kazanxhoglu, u dënua me 8 vjet për bashkëpunim në vrasje dhe me 6 vjet për anëtarësim në organizatën kriminale.
Themeluesi i Agimit të Artë në zonën e Nikeas, Jorgos Patelis u dënua me 8 vjet burg për bashkëpunim në vrasje dhe 6 vjet për anëtarësim në organizatë kriminale. Për ish-deputetët Hrisovaladis Aleksopulos, Nikos Mihos dhe Stathis Bukuras gjykata vendosi dënim me 5 vjet burg për anëtarësim në organizatë kriminale.
Lidhur me sulmin ndaj peshkatarëve egjiptianë, gjykata dënoi me 6 vjet burg Agriojani Dimitri, Eugjeniko Marko, Maria Thoma dhe Konstadino Papadhopoulo. Për themeluesin e organizatës në zonën e Perama-s, Anastasios Pantazis, drejtësia vendosi 8 vjet burg për vrasje në tentativë kundër peshkatarëve egjiptianë dhe 6 vjet anëtarësim në organizatë kriminale. Ndërkohë lidhur me sulmin ndaj anëtarëve të partisë së majtë PAME Pantazis u dënua me 2 vjet burg për çdo dëmtim fizik për tre të dhunuarit.
\Gazetareforma.al\
