Grabitja e 130 milion lekëve në postën e Krujës, publikohen lëvizjet e rojës

Google+ Pinterest LinkedIn Tumblr +

Besnik Parruca është njeriu kryesor që mendohet se ka hapur derën e filialit të postës në Krujë, nga ku u vodhën 130 milion lek të vjetra.

Në bazë të hetimeve të Prokurorisë, në momentin kur grabitësit kanë shkuar te posta, Parruca nuk ka qenë aty, shkruan “Shqiptarja.com”.

Në pamjet filmike, shihet qartë sesi celula e “Xhindeve”, e përbërë nga Gazmir Saka, Andi Rexhepi, Mark Caka dhe Haziz Lika, tentojnë të hapin me kaçavide derën e postës.

Në këtë moment ka rënë alarmi dhe kompania ka njoftuar në radio policin, Besnik Parruca, por ai nuk ndodhej aty, ndërsa nga kamerat shihet duke vrapuar drejt filialit të postës.

Ai ka thënë para prokurorëve, se është ndeshur me disa persona te armatosur, të cilët e morën peng dhe e kërcënuar me armë, për të hapur derën e postës.

Pas largimit të autorëve, Parruca nuk ka njoftuar policinë.

Roja e ka justifikur veprimin e tij, duke pretenduar se është kërcënuar me jetë nga autorët, për të mos treguar.

Në lidhje me këtë ngjarje është shpallur në kërkim edhe një polic tjetër provat, i qaujtur Sllavko Troja.

Dy ditë pas grabitjes, Prokuroria e Krujës urdhëroi kontrollin e banesave të shtetasve Mark Caka, Andi Paturri, Hysen Kica dhe Bujar Tafa. Mbi çatinë e banesës së Sakës, u gjetën dy qëse me shuma lekësh

Gazmir Saka dhe Ani Paturri konsiderohen si personat kryesorë të celulës, që dyshohet se kanë kryer 18 grabitje, në trekëndëshin Krujë-Durrës-Tiranë.

Paturri është dënuar edhe më parë për “Armëmbajtje pa leje”, “Vjedhje”, “Aksident” dhe “Shpërndarje droge”.

Shpërndaje
Share.

Komento