Basha bëhet palë me Metën, e quan Dvoranin vegël të Ramës

Google+ Pinterest LinkedIn Tumblr +

Kreu i Partisë Demokratike Lulzim Basha, lëshoi akuza të forta ndaj kreut të Këshillit të Emërimeve në Drejtësi, Ardian Dvorani.

Basha nga Devolli, ku po zhvillon turin “Rrugëtimi për Shqipërinë”, e quajti Dvoranin simbol të korrupsionit dhe kapjes së shtetit.

Sipas tij, kryeministri nëpërmjet Dvoranit kërkon të kapë drejtësinë.

Basha u shpreh, se nëse institucionet funksionojnë, i pari që duhet të shkojë për ndjekje penale është Rama.

“Rama paracakton edhe gjyqtarët e Gjykatës Kushtetuese. Ardian Dvorani simboli i korrupsionit dhe kapjes së shtetit, vegla e Edi Ramës.Nëse institucionet funksionojnë, i pari që duhet të shkojë për ndjekje penale është Edi Rama. Ndaj e ka jetike të kapë drejtësinë. Vendi është zhytur në paligjshmëri”, tha Basha.

Debati i ditëve të fundit, është ndezur nga dekretimi i Marsida Xhaferllarit, si anëtare e Gjykatës Kushtetuese.

Meta nuk pranoi të dekretonte kandidaten e votuar në Kuvend, Arta Vorpsin, pasi e cilësoi anti-kushtetuese emërimin e saj.

Nga ana tjetër, Kuvendi votoi projekt-rezolutën kundër dekretimit të Marsida Xhaferllarit.

Po në të njëjtën ditë, Meta reagoi, duke bërë me dije se do të padisë kreun e KED, Dvoranin, për shkelje të Kushtetutës.

Shpërndaje
Share.

Komento