Drejtësia shqiptare vazhdon të lërë të lirë njerëz që akuzohen se kanë përfituar shuma të majme parashë falë aferave korruptive dhe mashtrimit. I radhës ka qenë ish-drejtori i Agjencisë Kombëtare e Burimeve Natyrore, Klodian Gradeci. Ky i fundit ka qenë në arrest shtëpie, ndërsa gjykata ka vendosur ditën e sotme ta lërë të lirë, duke i vendosur vetëm masën e sigurisë “Detyrim paraqitje”.
Klodian Gradeci akuzohet se ka shkaktuar një dëm financiar prej 1.5 milionë dollarëësh në kohën kur ishte ende drejtor i AKBN-ës, nëpërmjet një skeme mashtrimi. Policia e shpalli atë në kërkim në 6 tetor në kuadër të operacionit “Akciza”, teksa u arrestua pas kthimit nga Turqia.
Së bashku me biznesmenin Isuf Berberi, Gradeci i shpëtoi arrestimit në mbrëmjen e 6 tetorit. Gradeci së bashku me zyrtarë të tjerë i shkaktuan buxhetit të shtetitnjë dëm prej 1.5 milionë dollarësh. Për këtë u arrestuan
Gradeci se së bashku edhe me biznesmenë dhe zyrtarë të tjerë i kanë shkaktuar një dëm prej 1.5 milionë dollarë buxhetit të shtetit. Nga ana tjetër, Denis Durrësi, drejtor i Drejtorisë Ekonomike tek Agjencia Kombëtare e Burimeve Natyrore, e vartësi i tij, inspektori Qani Hoxhaj u arrestuan, bashkë me dy inspektorë tatimorë, Arben Doda e Simon Marku, dhe biznesmenin Naim Kasa.
Ndërkohë, ende në arrati mbetet biznesmeni Isuf Berberi, bashkëpunuesi i kompanisë “Phoenix Petroleum” që i shkaktoi miliona dollar dëm shtetit. Pas hetimeve ka rezultuar se kompania ka shfrytëzuar disa puse nafte, por nuk ka investuar.
Kjo shoqëri ka paraqitur në AKBN, tetë fatura të falsifikuara për shërbime që realisht nuk i ka përfituar nga kompania amerikane Black Swan Energy Service.
Ndërsa liron të arrestuarit, drejtësia shqiptare nuk punon për kapjen e të dyshuarve të tjerë, pavarësisht se grabisin miliona me skema mashtrimi.
