Policia e Vlorës ka vënë në pranga një 31-vjeçar të dyshuar për përfshirje në disa grabitje banesash dhe një automjeti, ndërsa dy persona të tjerë janë shpallur në kërkim.
I arrestuari, E. B., 31 vjeç, banues në Fitore, akuzohet se së bashku me G. S., 28 vjeç dhe M. Z., 30 vjeç, ka kryer disa vjedhje në orët e para të mëngjesit të 17 marsit 2025.
Sipas hetimeve, ata kanë hyrë me forcë në tre banesa, dy prej të cilave i përkisnin shtetasve që aktualisht ndodhen jashtë vendit. Nga një prej këtyre banesave, ata kanë vjedhur edhe një automjet të markës “Land Rover”, i cili më pas u gjet dhe u sekuestrua nga policia si provë materiale.
Ndërkohë, G. S. dhe M. Z. vijojnë të jenë në kërkim, ndërsa policia po vijon hetimet për zbardhjen e plotë të rastit.
