Policia ka zbardhur detaje të reja rreth ngjarjes që ndodhi ditën e sotme në Durrës, ku mbeti i vrarë 34-vjeçari Idajet Dulla.
Kujtojmë se 34-vjeçari u konfliktua për motive banale me Arbër Koten duke qëlluar këtë të fundit me grusht. Më pas konflikti eskaloi dhe Kote qëlloi me thikë në zemër Idajet Dullën.
Mamaja dhe bashkëshortja e 34-vjeçarit, e dërguan atë me urgjencë në spital, por ai nuk mundi të mbijetojë. Ndërkohë bëhet me dije se autori Arbër Kote është djali i ish-drejtorit të burgut të Durrësit, Astrit Kote.
Ky i fundit u la në burg në shkurt të 2017 pasi u akuzua se favorizoi lirimin e një prej më të përfolurve në botën e krimit, kreun e bandës së Durrësit, Lulzim Berisha. Ai i kishte bërë kërkesë gjykatës që të hetohej në gjendje të lirë.
Ish-drejtori i burgut të Durrësit, Astrit Kote ka dalë për herë të parë para gjykatës më 23 dhjetor të 2016 pas arrestimit dhe shkarkimit, ndërsa ka deklaruar se nuk ka asnjë lidhje me lirimin e Lul Berishës.
Ndërkohë një muaj më vonë ai u lirua. Gjykata e Lartë në atë kohë kërkoi “detyrim paraqitje” për Koten.
