Tërmeti i 26 nëntorit ka pezulluar punën e gjykatave në Tiranë, Durrës e Lezhë.
Si pasojë e lëkundjeve godinat kanë marrë dëmtime dhe nuk janë kryer ende verifikimet.
Vendimi është marrë një ditë më parë nga Këshilli i Lartë Gjyqësor.
Pezullimi do të jetë në fuqi, deri në përfundim të verifikimeve në terren.
Mësohet se dhoma civile në Tiranë dhe Gjykata e Durrësit kanë dëmtime të mëdha, shkruan “shqiptarja.com”.
Në gjykata aktualisht po kryhen vetëm proceset për masat e sigurisë.
