Dorian Protoduari, banor i Unazës së Re, i cili u arrestua pas protestës para parlamentit kundër prishjes së banesave të tyre, sot ka lënë qelinë.
Kujtojmë se banorët e Astirit janë përplasur fizikisht me policinë ku mbeti e plagosur një police e cila humbi gishtat dhe një polic i cili humbi dëgjimin në një vesh.
Ndërkohë Protoduari ishte shpallur në kërkim nga policia për veprën penale “Organizimi dhe pjesëmarrja në grumbullime dhe në manifestime të paligjshme”.
Ai u arrestua nga policia në Spitalin e Traumës ku ndodhej pas protestës e ëma e tij.
Burime për “balkanweb” bëjnë me dije se trupi gjykues vendosi të lehtësojë masën nga “arrest me burg” në “detyrim paraqitje”.
Sakaq në gjykatë kanë qenë edhe deputetët Klevis Balliu dhe Enkelejd Alibeaj.
Mësohet gjithashtu se pas lajmit të marrë për Dorian Protoduarin, banorët e Unazës së Re janë nisur drejt parlamentit për të marrë pjesë në protestën e studentëve.
