Gjykata e Posaçme ka refuzuar kërkesën për gjykim të shkurtuar për të pandehurit e dosjes “5D”, duke argumentuar se çështja nuk mund të mbyllet me aktet aktuale.
Ndërkohë, SPAK ka kërkuar më shumë kohë për përgatitjen e listës së dëshmitarëve dhe parashtrimin e provave.
Të pandehurit janë:
Redi Molla
Mariglen Qato
Taulant Tusha
Enton Punavija
Julian Zanaj
Albano Janku
Nestor Muhametllari
Në korrik 2024, SPAK i komunikoi Mollës dhe Qatos akuzat për “korrupsion pasiv” dhe “mosdeklarim të pasurisë”, ndërsa Tusha akuzohet për “shkelje të barazisë në tendera”.
Të tre u arrestuan në mars 2024 me urdhër të Prokurorisë së Posaçme Antikorrupsion dhe ndodhen në arrest me burg, ndërsa pesë persona të tjerë, mes tyre Enton Punavija, Julian Zanaj, Albano Janku dhe Nestor Muhametllari, ndodhen në detyrim paraqitjeje.
Sipas SPAK, Molla dhe Qato janë pronarët e fshehtë të kompanisë “5D”, e cila ka fituar 11 tendera pranë Bashkisë në një periudhë 6-vjeçare (2016-2022).
Kompania operonte edhe nën emrat “Igor Electric” dhe “Vas Construction”. Për Mollën dhe Qaton, hetimet do të zgjasin edhe një vit, ndërsa për Tushën afati përfundon pas tre muajsh.
