Gjykata e Posaçme ka vendosur masën “arrest me burg” për kryebashkiakun në detyrë të Himarës, Jorgo Goro.
Ai akuzohet për shpërdorim detyre në dy episode. Jorgo Goro ka mohuar akuzat përmes avokatit të tij Sokol Hazizaj.
Ai ka pretenduar se veprimet e tij kanë qenë konform ligjit dhe se spak ka ngritur akuzë vetëm mbi shkresa përcjellëse në përputhje me funksionin.
Kujtojmë se Goro u arrestua 3 ditë më parë me urdhër të SPAK. Mësohet se arrestimi i Goros ka ardhur pas një kallëzimi nga ana e Fredi Belerit.
Gjithashtu arrestimi lidhet edhe me statusin e investimit strategjik të Artan Gaçit, bashkëshortit të ish-ministres së Punëve të Jashtme Olta Xhaçka. Sipas burimeve për ndaj Goros rëndojnë dyshimet për shpërdorim detyre.
Nga ana tjetër Mihallaq Bonjaku, i cili pretendonte se i ishte vjedhur prona, ose më saktë një pjesë të pronës mbi të cilën Artan Gaçi, bashkëshorti i ish-ministres Xhaçka, ishte shpallur investitor strategjik dhe kishte nisur ndërtimin e resortit luksoz.
Kujtojmë se Goro mbeti në detyrë si kryebashkiak i Himarës edhe pse humbi zgjedhjet e 14 majit ndaj Fredi Belerit, i cili u dënua së fundmi për shitblerje votash.
Gjithashtu, togat e zeza ndryshuan sot vendimin për Bilbil Aliaj drejtor i Kadastrës, nga “arrest shtëpie”, në “detyrim paraqitje”, ndërsa lanë në fuqi masa “arrest në shtëpi” për Vezir Gjikokaj, që u arrestuan së bashku me Jorgo Goron.
