Gjykata e Lartë ka rrëzuar rekursin e ish-kryebashkiakut të Himarës, Jorgo Goro, lidhur me sekuestrimin e apartamentit të tij.
Trupa gjykuese, e përbërë nga Ilir Panda, Medi Bici dhe Albana Boksi, konfirmoi vendimin e Apelit të datës 31 korrik të këtij viti.
Në atë vendim, Apeli i GJKKO urdhëroi sekuestrimin e një apartamenti me sipërfaqe 81 m², në pronësi të ish-kryebashkiakut.
Prokuroria e Posaçme dhe Agjencia për Administrimin e Pasurive të Sekuestruara dhe të Konfiskuara u ngarkuan me zbatimin e vendimit.
Ndërkohë, Jorgo Goro është duke u hetuar nga SPAK për burimin e pasurisë së tij dhe ndodhet nën masën e sigurisë “arrest në burg”.
