Një gjykatë federale e apelit ka konfirmuar ligjin që mund të çojë në ndalimin e TikTok në SHBA, duke e lënë atë një hap më afër ndalimit të mundshëm brenda pak muajsh.
Vendimi është një goditje e madhe për platformën, e cila po lufton për mbijetesë në Shtetet e Bashkuara.
Gjykata e Apelit e Uashingtonit konfirmoi ligjin që kërkon që TikTok të ndërpresë lidhjet me kompaninë ByteDance, e cila ka selinë në Kinë, dhe të mos ketë më akses në SHBA deri në janar.
Ky ligj u vlerësua si në përputhje me Kushtetutën, duke hedhur poshtë pretendimet e TikTok që argumentonin se ai shkelte të drejtën e fjalës së lirë.
Përfaqësuesit e SHBA-së e shohin TikTok si kërcënim për sigurinë kombëtare për shkak të lidhjeve të mundshme me qeverinë kineze dhe mundësisë për mbledhjen e të dhënave të përdoruesve amerikanë.
Megjithatë, TikTok ka mohuar akuzat dhe ka argumentuar se nuk ka pasur dorëzim të të dhënave dhe manipulim të përmbajtjes nga qeveria kineze.
Vendimi pritet të apelohet në Gjykatën e Lartë, dhe ndërkohë disa investitorë janë shprehur të interesuar për të blerë TikTok-in.
Nëse gjykatat vazhdojnë të mbajnë ligjin në fuqi, Departamenti i Drejtësisë mund të zbatojë ndalime dhe gjoba për shkelësit./Voa
