Gjykata e Apelit jep vendimin/ Prindërit e Marvi Mihalit: Fatin tim e provofshi të parët ju gjykatësit! Doja vetëm drejtësi

Google+ Pinterest LinkedIn Tumblr +

Dhimbja kur familjarëve kur iu ndodhin tragjedi të tilla si ajo e vrasjes së djelit për një karikues është e jashtëzakonshme, por sot, famlija e Marvi Mihalit është duke vuajtur edhe më shumë për shkak të vendimit të gjykatës.

Gjykata e Apelit tashmë ka marrë një vendim për katër personat e përfshirë në vrasjen e të riut Marvi Mihali pas një sherri për një karikues.

Tashmë është marrë vendimi dhe është vendosur që dënimet janë këto:

-Dejvis Bitraj, 19 vite burg;

-Eugen Bitraj, 12 vite burg;

-Marsel Alla, 12 vite burg;

-Kridens Alla, 12 vite burg.

Mirëpo prindërit e të riut jashtë gjykatës kanë shpërthyer në mallkime dhe akuza kundër trupës gjyqësore, për të cilën kanë thënë se nuk kanë bërë drejtësi.

“Nuk kam kërkuar asgjë, vetëm drejtësinë. Kam thënë që do ta vendos me çdo kusht. Sot djalit tim i ka lëviz pllaka e mermerit në varr. Sa të kem jetë të gjithë ata që janë përlyer në këtë histori të ndryrë do të përgjigjen. Kjo është tallje, ai e theri, i nguli thikën dhe gjykatësi ndryshon kualifikimin e vrasjes, heq paramendimin, lë vrasje në bashkëpunim me dashje, që të abuzojnë me vendimin. Nuk i bëhet vonë që vdiq djali im, fatin tim të zi e provofshin gjykatësit, në radhë të parë”- tha nëna e Marvi Mihalit.

Të njëjtin mendim ka ndarë edhe Pavllo Mihali, babi i viktimës, i cili ka thënë:
“Mallkimi i tim biri i ndjektë këta plehra, si i ndërrojnë falsifikimin, c’është kjo drejtësi.”

Por çfarë ka ndodhur në 31 korrik të vitit 2017, natë kur u vra edhe Marvi Mihali?

Miku i tij Armend Haxhiu i kishte shitur një telefon Devi Bitrajt, por nuk i kishte dhënë karikuesin. Pas debateve mes Haxhiut dhe Bitrajve është vendosur që të takohen për t’u sqaruar te Dinamo. Haxhiu ka kërkuar që aty të shkonte edhe miku i tij Marvi Mihali dhe pas shumë telefonatash ka arritur ta bindë Marvin.

Mësohet se mes të rinjve të konfliktuar ka pasur një debat mes 19-vjeçarit Dejvi Bitraj dhe Marvi Mihalit (viktima) dhe mikut të këtij të fundit. Më pas, sherri ka percipituar pasi Dejvi Bitraj ka thirrur në ndihmë kushëririn e tij, Eugen Bitraj, 24 vjeç, i cili ka shkuar bashkë me 3 shokë të tjerë.

Pasi kanë rrahur Marvin në rrugicën para lokalit, Dejvi Bitraj e ka goditur me thikë në zemër duke i çarë aortën e zemrës. Marvin Mihali ndërroi jetë disa minuta më pas në spital.

Shpërndaje
Share.

Komento