Gjykata Ndër-Amerikane e të Drejtave të Njeriut ka kritikuar Meksikën, pasi qeveria meksikane ka mbajtur në paraburgim dy t arrestuar për më shumë se 17 vite. CNN raporton se sipas gjykatës amerikane Meksika është përgjegjëse për “shkeljen e të drejtave për integritetin personal, lirinë personale, për garancitë gjyqësore, për barazinë para ligjit dhe për mbrojtjen gjyqësore”.
Gjykata Ndër-Amerikane e të Drejtave të Njeriut ka urdhëruar Meksikën të bëjë ndryshime me një sërë masash dëmshpërblimi, duke përfshirë pagesat për dëmet materiale dhe jomateriale. Gjykata tha gjithashtu se ky dënim do të shërbejë për të udhëhequr veprimet e shtetit në lidhje me mbrojtjen e të drejtave të personave të privuar nga liria dhe që po përballen me gjyq.
Sipas zbulimeve të gjykatës dy të arrestuarit, Daniel García Rodríguez dhe Reyes Alpízar Ortiz, iu nënshtruan torturave gjatë periudhës në të cilën ishin mbajtur. García dhe Alpízar u arrestuan në vitin 2002 dhe qëndruan në paraburgim për 17 vjet përpara se të dënoheshin me akuza për vrasje. Ata u akuzuan për vrasjen e një këshilltari komunal në vitin 2001 dhe paraqitën një ankesë në Gjykatën Ndër-Amerikane në vitin 2007.
Më 19 mars, pas apelit të tyre të fundit, një gjykatë meksikane njoftoi Alpízar për lirimin e tij, por la në fuqi dënimin 35-vjeçar të Garcias, të cilin ai e konsideroi “të padrejtë dhe pa prova”.
