Gjykata e Posaçme ka dhënë vendimin për ish-kryeprokurorin e Vlorës, Aurel Zarka, i cili akuzohet për përfshirje në çështjen e njohur si “Toyota Yaris”.
Trupi gjykues i përbërë nga gjyqtarët Erjon Çela, Bibe Ndreca dhe Rudia Palloj, vendosi ta dënojë atë me 4 vite burg.
Në bazë të gjykimit të shkurtuar, dënimi iu reduktua në 2 vite e 8 muaj heqje lirie. Përveç kësaj, Zarka do të jetë i pezulluar nga ushtrimi i funksioneve publike për një periudhë prej të paktën 5 vitesh.
Prokuroria e Posaçme Kundër Korrupsionit dhe Krimit të Organizuar kishte kërkuar një dënim prej 6.4 vitesh burg për ish-kryeprokurorin, i cili dyshohet për lidhje me elementë të përfshirë në skemën e transportit të parave në rastin e “Toyota Yaris”.
