Gjykata për Krimin dhe Korrupsionin e Organizuar ka dhënë vendimin për Moisi Habilajn dhe grupin e tj. Habilaj është dënuar me 10 vite burg për veprën penale ë trafikimit të lëndëve narkotike e mbetur në tentativë në bashkëpunimin me formën e grupit të strukturuar kriminal, me 12 vite burgim.
Ai është deklaruar fajtor për veprën penale “Grup i strukturuar kriminal” për të cilën është dënuar me 4 vjet burg. Po ashtu Habilaj u shpall fajtor për veprën penale trafikimin e lëndëve narkotike në bashkëpunim me grupin e strukturuar kriminal me 12 vite burgim.
Me aplikimin e nenit 55 të Kodit Penal, Moisi Habilaj dënohet me 15 vjet me një bashkim të dënimeve. Ndërsa në zbatim të nenit 406/1 të Kodit të Procedurës Penale, dënimi ulet me një të tretën duke shkuar përfundimisht në 10 vite.
Po ashtu GJKKO ka marrë vendimin edhe për Nazer Seiti duke e dënuar me 9 vite burg për veprën penale trafikim e lëndëve narkotike në bashkëpunim me grupin e strukturuar kriminal, “Grup i strukturuar kriminal”.
Maridian Sulaj gjithashtu u dënua me 9 vite burg për veprën penale trafikim e lëndëve narkotike në bashkëpunim me grupin e strukturuar criminal dhe “Grup i strukturuar kriminal”, ashtu si edhe Seiti.
Është dënuar me 9 vite burg edhe Fatmir Minaj për të njëjtat vepra penale si dy të sipërpërmendurit.
