Gjykata e Posaçme ka vendosur masën e sigurisë “Arrest me burg” për Kreshnik Farrukun, i njohur edhe si Kreshnik Budlla, kreu i klanit kriminal Farruku.
Në fjalën e tij para, Farruku ka deklaruar se nuk është ai personi që organet e akuzës pretendojnë në lidhje me përgjimet e dala nga platforma e SKY ECC.
“Nuk jam unë ai që pretendoni në SKY ECC, nuk kam lidhje me ato dy pinë,” ka thënë ai gjatë seancës.
Kreshniku, i cili ka qenë i përfshirë në aktivitete të trafikut të drogës, grabitjeve dhe krimeve të tjera që prej vitit 2008, u vetëdorëzua në Policinë e Durrësit në janar por Gjykata e Durrësit vendosi ta lirojë atë me masën e siguris të “arrestit në shtëpi, më vonë u arrestua përsëri në një operacion të koordinuar nga RENEA.
Ai u akuzua për pjesëmarrje në një rrjet ndërkombëtar të trafikut të lëndëve narkotike dhe është në proces për ekstradim drejt Italisë.
Farruku ka përdorur 10 identitete të ndryshme për t’u fshehur nga autoritetet dhe ka drejtuar aktivitetet e grupit kriminal, i cili është aktiv kryesisht në Costa del Sol të Spanjës.
Në vitin 2019, ai u arrestua në Madrid dhe është dënuar nga Gjykata e Ancona-s për trafik kokaine, ndërsa pasuritë e tij janë sekuestruar nga autoritetet shqiptare në vitin 2012.
