Gjermania thotë se nuk do t’i përgjigjet pozitivisht kërkesës për armatosje nga ana e Ukrainës dhe do t’i përmbahet qëndrimit se konflikti me Rusinë në Ukrainën Lindore duhet të zgjidhet me dialog.
Ministri i Jashtëm gjerman tha se është i bindur se konflikti në Ukrainën lindore mund të zgjidhet vetëm politikisht, tha Maas në kuadër të një video konference me kolegët e NATO-s.
Presidenti ukrainas Wolodymyr Zelenskyi pati deklaruar edhe një herë në një intervistë se do të donte që Republika Federale ta mbështeste atë në formën e dërgesave të armëve. Selenskyji i tha gazetës “Frankfurter Allgemeine Zeitung” se Ukraina kishte nevojë për skafe për raketa, anije patrullimi, armë sulmi, pajisje radiolidhjeje dhe automjete të blinduara ushtarake. Ai vërtet i është mirënjohës Gjermanisë për mbështetjen që ka dhënë, por ai shpresonte për më shumë. Bashkëkryetari i të Gjelbërve, Habeck, e ka kuptuar këtë, shtoi Zelenskyi.
Maas i bën thirrje Rusisë për dialog
Në marrëdhëniet e tensionuara midis NATO-s dhe Rusisë, Ministri i Jashtëm gjerman Maas mendon se qeveria e Moskës duhet të përmbushë një detyrim. NATO-ja është e gatshme të vazhdojë bisedimet, tha Maas duke pasur parasysh konferencën e sotme të ministrave të jashtëm dhe të mbrojtjes të vendeve anëtare të NATO-s. Por topi tani është në fushën e Rusisë. Në konferencat e tyre me video, ministrat po përgatisin samitin e NATO-s të 14 qershorit.
Në këtë kuadër do të tematizohet edhe politika e Rusisë, e cila perceptohet si agresive. Prioritetet e tjera janë planet e reformimit të NATO-s dhe tërheqja nga Afganistani. Në samitin në Bruksel do të marrë pjesë për herë të parë edhe Presidenti i SHBA, Joe Biden. SHBA ka kohë që kërkon që vendet e tjera të NATO-s të shpenzojnë më shumë për mbrojtjen.
Ministrja gjermane e Mbrojtjes, Annegret Kramp-Karrenbauer u shpreh gjithashtu në favor të rritjes së buxhetit të NATO-s. Ajo tha se është e rëndësishme të forcohet aftësia për të vepruar së bashku, edhe më shumë burime të përbashkëta. Sekretari i Përgjithshëm i NATO-s, Jens Stoltenberg ka bërë propozime shumë të mira në këtë drejtim.
18 të vrarë në Gaza, dronët izraelitë godasin njësinë policore të Hamasit
Të paktën 18 palestinezë humbën jetën pas një sulmi ajror nga dronët izraelitë që goditën një njësi policore të Hamasit...