Gjendje lufte në Egje/ Greqia mobilizon flotën dhe forcat ajrore, gatishmëri ndaj një provokimi turk

Google+ Pinterest LinkedIn Tumblr +

Greqia ka mobilizuar sërish në maksimum flotën detare dhe forcat ajrore, në gatishmëri lufte në rast të një tjetër provokimi turk.

Shkak për gatishmërinë e forcave greke është bërë anija “Oruc Reis” dhe flota turke që shoqëron gjiganden turke të kërkimit të naftës.

Mobilizimin e forcave ushtarake e ka bërë të ditur vetë qeveria greke dhe ministria e mbrojtjes, pas publikimit të disa fotove të Forcave të Armatosura.

Ato janë vendosur në gadishmëri të lartë sidomos në zonën e ishullit Kastelorizo ku po monitorojnë të gjitha veprimet e anijes turke “Oruç Reis”.

Flota greke ka marrë udhëzime për të mos lejuar asnjë lëvizje të Turqisë në zonën e 6 miljeve detare të territorit të saj.

Kujtojmë se Turqia nxorri përsëri në det anijen “Oruc Reis” në zonën e Kastelorizo, ndërsa Ankaraja me  Navtex-in e 11 tetorit, bënte të ditur se kërkimet sizmike mund të zhvillohen në një zonë prej 6.5 milje detare  larg me ujërat territoriale greke./GazetaReforma.com/

Shpërndaje
Share.

Komento