Një person është gjetur pa shenja jete në hyrjen e një pallati në zonën e Kunes, në Shëngjin.
Viktima, Ergys Lekaj, 38-vjeç, është transportuar në morgun e spitalit të Lezhës, ku do t’i bëhet ekspertiza mjeko-ligjore.
Policia ka mbërritur menjëherë në vendngjarje, dhe nga informacionet e para, rezulton se nuk janë gjetur shenja dhune në trupin e viktimës.
LEZHË
Një 38-vjeçar është gjetur i pajetë në Shëngjin.
Më datë 26.11.2024, rreth orës 06:00, në hyrjen e një pallati, është gjetur pa shenja jete dhe pa shenja dhune, shtetasi Ergys Lekaj, 38 vjeç, banues në Ishull Lezhë.
Nga veprimet e para hetimore dyshohet se ky shtetas e ka humbur jetën nga shkaqe natyrale (infarkt).
Me trupin do të kryhet ekspertiza mjekoligjore.
Grupi hetimor po punon për sqarimin e rrethanave të rastit.
