Mbrëmjen e kësaj të Premteje, në rrjedhën e kanalit vaditës Peqin – Kavajë është gjetur i pajetë një person i seksit mashkull.
Sipas burimeve zyrtare, kufoma u gjet në kanalin vaditës pranë fshatit Hoxhaj të bashkisë së Peqinit.
Nxjerrja e kufomës u bë e mundur vetëm pas ndërhyrjes së forcave të Mbrojtjes nga Zjarri dhe Shpëtimit të Peqinit.
Kufoma është identifikuar si shtetasit Agim Dallupi, 25 vjeç nga Peqini, i cili rezultonte i humbur prej 10 ditësh.
25-vjeçari njihej si person me aftësi ndryshe dhe kërkimet për gjetjen e tij u shtrinë në të gjithë zonën dhe përgjatë rrjedhës së lumit Shkumbin dhe kanalit vaditës Peqin-Kavajë.
Kufoma e 25-vjeçarit u dërgua në morgun e Spitalit Rajonal të Elbasanit për autopsi.
Aktualisht, policia dhe prokuroria po kryejnë hetime për zbardhjen e plotë të ngjarjes.
