Izraeli ka publikuar një imazh që, sipas tij, tregon një raketë iraniane të lëshuar gjatë armëpushimit të shpallur nga SHBA.
Në postimin zyrtar në rrjetin social X, autoritetet izraelite shoqëruan foton me një deklaratë të fortë: “Irani vazhdon të dëshmojë natyrën e tij si shtet terrorist dhe kërcënim për rajonin.”
Nga ana tjetër, autoritetet iraniane e kanë përgënjeshtruar kategorikisht këtë pretendim. Televizioni shtetëror iranian raportoi se Teherani nuk ka ndërmarrë asnjë veprim ushtarak ndaj Izraelit pas hyrjes në fuqi të armëpushimit, duke e cilësuar akuzën si një sajesë politike.
Ministri izraelit i Mbrojtjes, Israel Katz, ka reaguar duke paralajmëruar një përgjigje të ashpër ndaj asaj që e konsideron si “shkelje të plotë” të marrëveshjes së ndërmjetësuar nga Presidenti amerikan Donald Trump.
Ai theksoi se operacionet izraelite ndaj objektivave në Teheran do të vijojnë me intensitet të lartë.
