Gazetarja Klodiana Lala ka komentuar në studion e “News 24” se pezullimi nga detyra e gjyqtarit Luan Daci ka vënë në pikëpyetje institucionin e KPA-së.
Kjo pasi mund të ketë të tjerë anëtarë të këtij institucioni që mund të kenë fshehur të dhënat e tyre personale.
Po ashtu, gazetarja tha se reforma në drejtësi ka devijuar, ndërsa theksoi se ka tentativa brenda PS-së që mund të ndryshojnë disa nene të kushtetutës.
Mes të tjerash Lala pohoi se në radhën e gjyqtarëve dhe prokurorëve ka ende të korruptuar, ndërsa janë lënë jashtë sistemit të drejtësisë figura të pastra.
“Luan Daci ka fshehur një rekord të jetës së tij. Kur u pyet në Kuvend, nga detyra e gjykatësit në ‘97 është larguar me dorëheqje, por nga hetimi i SPAK ai është shkarkuar për shkelje të renda.
Pra një gjyqtar është shkarkuar për paaftësi, për shkelje të renda.
Kjo e minon këtë institucion dhe i vë në pikëpyetje çështjet që ka pasur.
Kjo është kambanë alarmi pasi ka fakte se të tjerë anëtarë të KPA kanë fshehur fakte dhe kanë vendosur në dosjet e tyre dokumente të falsifikuara.
SPAK do i duhet të reagojë. Reforma nuk është ajo që u nis në fillim. Ishte një reformë që mendohej se do i shërbente publikut shqiptar.
Ajo ka devijuar nga qëndrimi fillestar. Kemi prokurorë dhe gjyqtarë që kanë dalë padrejtësisht janë sistemit dhe të tjerë që nuk duhet të ishin”, tha Lala.
