Disa nga supermarketet në vendin tonë kanë çmime aspak të arsyeshme, shpesh herë duke përdorur si ‘mburojë’ argumenti cilësinë. Rasti që gazetari Dritan Hila denoncon në lidhje me supermarketin “Conad’ është skandaloz dhe krahasimi i çmimeve ka diferenca drastike. Konkretisht gazetari ka krahasuar çmimin e djathit ‘Parmigiano’ në vendin tonë, dhe në vendin e origjinës në Itali, dhe diferenca është surprizuese (për keq).
Një kilogram Parmigiano në Conad-in në qendër të Firenze-s tregtohet me 18 euro, ndërsa në Conad Shqipëri kushton plot 28.5 euro për kilogram.
“O Conadi, më lehtë a i vrarë. Parmigiano, 18€/kg në Esselunga-Firenze centro, 28.5€/kg në Conad Shqipëri”, shkruan gazetari teksa publikon edhe fotot krahasuese.
Ndërkohë që i nxitur nga një komentues që thotë se çmimi i këtij djathi varet nga koha e paketimit, gazetari Hila thekson mungesën e transparencës së Conad Shqipëri, duke thënë se në paketim nuk tregohet se sa kohë ka që është paketuar.
