Gazetarët kishin paralajmëruar protesta, “Klan” detyrohet të fikë sinjalin analog

Google+ Pinterest LinkedIn Tumblr +

Pas letrës së dërguar AMA-s, nga televizionet më të mëdha në vend, “Tv Klan”, “Klan Plus”, “ABC News” dhe “Shijak Tv”, kanë fikur sinjalin analog.

Për 7 ditë, “TV Klan” sfidoi ligjet e shtetit shqiptar, duke vijuar transmetimin në analog, shkruan “Gazeta Shqip”.

Tashmë “Klan” i ka dhënë fund transmetimit në frekuenca pirate.

Revolta e televizioneve detyroi policinë e shtetit, që të vihet në lëvizje.

Ndërsa gazetarët i lanë afat qeverisë deri sot që të ndërhynte, përndryshe do të nisnin protestat.

“Gazeta Shqip” shkruan se arsyeja qe “Klan” sfidoi shtetin shqiptar, është dalja nga platforma “Digitalb”, ku ky televizion humbi 250 mijë shikues dhe me fikjen e sinjalit analog kjo shifër katërfishohet.

Mirëpo “Shqip”, ka zbuluar gjithashtu se “Klan” e mbajti ndezur me forcë sinjalin analog, edhe për shkak të kompanisë “Telemetrix”.

Kjo e fundit është një kompani që mat audiencën me sinjalin analog, por është hedhur në gjyq nga mediat, për manipulim dhe falsifikim të dhënash.

Me fikjen e sinjalit analog, kjo kompani del automatikisht jashtë loje.

Kutjojmë këtu se digjitalzimi është një nga kërkesat e Bashkimit Europian. Tashmë shqiptarët do të kenë mundësi të shohin emisionet e preferuara me cilësi më të lartë të zërit dhe figurës.

Shpërndaje
Share.

Komento