Pas nisjes së hetimeve të SPAK për tenderin e dyshimtë prej 500 mln lekësh të Dritan Agollit që i dha kuzhinierit të restorantit të djalit të tij, për një menu ku u tregon shqiptarëve se çfarë të hanë, ka ardhur reagimi i kuzhinierit Alfio Rrotani. Ky i fundit është i punësuar në restorantin e Fllad Agollit, djalit të Dritan Agollit, Bedouin Beach Bar në Gjirin e Lalëzit ndërsa Maçi është dizajneri i logos së këtij restoranti dhe njëkohësisht i logos së FSHZH me një tender jopublik. Sipas kuzhinierit lajmet nuk kanë asnjë bazë dhe janë të rreme.
Alfio Rrotani
Janë komplet lajme të rreme, pa asnjë bazë konkrete. Por sa të mbarojë kjo do të jap edhe unë përgjigjet e mia. Normalisht me qëllim. Jemi mësuar, e kemi parë. Unë mendoj se kjo është më shumë politike. Por unë nuk merrem me politikë. Unë njoh gjysmën e Shqipërisë, sepse bëj konsulenca. Nuk ka pasur fare ndikim, fare. Projekti është 3 vjeçar, kam ndërtuar një ekip, është një projekt shumë i bukur për të ndërtuar kuzhinën tradicionale shqiptare, do i lëmë një pasuri Shqipërisë. Po flasim për të çuar në UNESCO një pjatë tipike shqiptare. Nuk kam gjë për të fshehur. Cdo gjë në jetë e kam arritur me punë.
