Ish-presidenti i Marsejës, Pape Diouf ka ndërruar jetë nga koronavirusi në moshën 68-vjeçare.
Diouf lindi në shtetin afrikan të Chadit, ndërsa kishte nënshtetësi franceze dhe senegaleze gjithashtu.
Ai udhëhoqi klubin francez në vitet 2005-2009 dhe ndërtoi grupin i cili do të kurorëzohej me titullin kampion në vitin 2010.
Ish-presidenti ishte shtuar në një spital në Senegal dhe u bë viktima e parë në këtë shtet.
Ishte parashikuar që Diouf të transportohej në Francë ditën e djeshme, por situata e tij u përkeqësua dhe u vendos në një respirator.
Përpara se të merrte drejtimin e Marsejës, Diouf ka ushtruar edhe profesionin e gazetarit.
Ai u zhvendos në Marsejë në moshën 18-vjeçare, ku nisi karrierën në ushtri, ndërsa më pas ndryshoi drejtimin e karrierës së tij dhe filloi punë në gazetën “La Marseillase”, pas kishte mbaruar Fakultetin e Shkencave të Komunikimit në Paris.
Më pas ai u bë agjent futbollistësh, ku klienti i tij më i spikatur ishte Didier Drogba, i cili u prezantua në Marsejë në vitet 2003-2004.
Vdekja e tij ka prekur shumë personazhe të futbollit, mes të cilëve presidentin aktual të Marsejës dhe Federatën Franceze të Futbollit, të cilët kanë shprehur ngushëllimet e tyre.
