Teksa Gjykata vendosi tëkthejë për rigjykim në Shkallën e Parë çështjen e vulës së PD, duke pranuar kërkesën e Alibeajt, nga ky i fundit erdhi një propozim për kandidatët e Primareve që të regjistrohen në zgjedhje. Deputeti Edi Paloka ka deklaruar se ftesa e Alibeajt drejtuar të kandidatëve të Primarëve që të futen në zgjedhjet e 14 majit me logon e PD-së, është pjesë e lojës së kryeministrit Edi Rama.
Gjithashtu ai ka theksuar se në këtë mënyrë synon të shkatërrojë PD dhe opozitën shqiptare. Paloka ka theksuar se e gjitha është pjesë e hipokrizisë pasi vetë Alibeaj nuk i njihte Primaret.
“Alibeaj vulën e do prej Ramës dhe votat prej Berishës. Alibeaj nuk i njihte Primaret, ftesa për bashkëpunim, vazhdimin i hipokrizisë së lojë. Do të jemi me partitë që kemi marrëveshje PL dhe PBDNJ, po ashtu po bisedohet edhe me parti të tjera.
2 palët, ajo e Berishës dhe ajo e Alibeajt kanë dorëzuar në KQZ kërkesë për regjistrimin në zgjedhje të Partisë Demokratike. Nuk dihet se çfarë vendimi do të marrë Komisioni Qëndror i Zgjedhjeve, por kreu i tij ka deklaruar se do të merret parasysh dhe vullneti i demokratëve dhe situata reale në PD. Ndërkohë Berisha ka deklaruar se kandidatët e Primareve do të hyjnë në zgjedhje me apo pa logon e PD.
