Fshehje të ardhurash, mashtrim dhe kontrabandë, arrestohen dy persona në Tiranë

Google+ Pinterest LinkedIn Tumblr +

Dy persona janë arrestuar ditën e sotme nga policia e Tiranës. Ata akuzohen për fshehje të të ardhurave dhe mashtrim. Dy të arrestuarit janë M. J., 44 vjeç dhe F. I., 45 vjeç

Sipas njoftimit të policisë 44-vjeçari ka qenë i dënuar më parë për armëmbajtje pa leje dhe kontrabandë mallrash për të cilat paguhet akcizë.

Sipas policisë, këtë herë 44-vjeçari akuzohet për mashtrim dhe fshehje të të ardhurave.

M. J., i ka shitur shtetasit F. I., po ashtu të arrestuar, një kontratë fiktive 1 milion lekë të vjetra për një pronë. Bëhet fjalë për një objekt shtypshkronjë në Tiranë, biznes i cili ka një xhiro mujore prej 100 milion lekësh.

44-vjeçari i arrestuar gjithashtu ka marrë edhe dy automjete që rezultojnë se janë në pronësi të një banke.

Gjithashtu 44-vjeçari ka mashtruar një grua të cilës i ka xhiron mujore të biznesit me vlerën rreth 55 milion lekë të reja.

Njoftimi i plotë i policisë

Finalizohet operacioni i koduar “PËRSËRITËSI”.

Operacioni nga Seksioni për Hetimin e Krimit Ekonomik e Financiar në bashkëpunim me Prokurorinë e Rrethit Gjyqësor Tiranë. Në pranga 2 persona.

Sekuestrohen në cilësinë e provës materiale dy automjete të tipeve të ndryshme dhe kontrata shitblerjeje.

Nga Seksioni për Krimin Ekonomik dhe Financiar në bashkëpunim me Prokurorinë e Rrethit Gjyqësor Tiranë është bërë e mundur finalizimi i operacionit të koduar “Përsëritësi”, ku u ndaluan shtetasit:

  1. M. J., 44 vjeç, banues në Tiranë, i dënuar më parë tre herë për armëmbatje pa leje dhe kontrabandë me mallra për të cilët paguhet akcizë.
    F. I., 45 vjeç, banues në Tiranë.
    Shtetasit M. J. dhe F. I. janë ndaluar pasi kanë bërë një kontratë fiktive (shtetasi M.J. i ka shitur shtetasit F.I. me kontratë fiktive 1 milion lekë të vjetra për një pronë, objekt shtypshkronjë me adresë në qytetin e Tiranës, biznes i cili ka një xhiro mujore rreth 100 milion lekë) duke fshehur të ardhurat, vepër penale kjo e cila është kryer me qëllim fshehjen apo shmangien nga pagimi i një detyrimi tatimor me vlerë më të lartë se 8 milion lekë.

Shtetasi i dyshuar M.J, ka përvetësuar në mënyrë të kundërligjshme dy automjete, pronë e një banke të nivelit të dytë, për të cilat kolateralin dhe kredinë e paguanin shtetasit N.SH dhe O.SH.

Gjithashtu shtetasi i dyshuar M. J. ka përvetësuar në mënyrë të kundërligjshme xhiron mujore të një biznesi të shtetases O. Sh, në vlerën rreth 55 milion lekë të reja.

Materialet procedurale i kaluan Prokurorisë së Rrethit Gjyqësor Tiranë në ngarkim të shtetasve të lartpërmendur, për veprat penale “Vjedhje në shuma të mëdha”, “Vetëgjyqësi” në ngarkim të M. J dhe “Fshehje të ardhurave kryer në bashkëpunim” në ngarkim të shtetasit F. I.

Shpërndaje
Share.

Komento