Eurodeputeti Fredi Beleri ka paraqitur një kallëzim për shpifje këtë të martë në Gjykatën e Tiranës, duke paditur ish-drejtorin e Arkivave, Ardit Bido.
Aktualisht, seanca është në fazën përgatitore, dhe avokati i Belerit njoftoi se eurodeputeti vendosi të marrë pjesë personalisht pasi ndodhej në Tiranë. Gjatë seancës për pajtim, Beleri nuk e tërhoqi padinë e tij, duke hapur rrugën për gjykimin e çështjes. Nga ana tjetër, Ardit Bido ka pranuar mundësinë e pajtimit, por ka refuzuar të tërhiqet nga deklaratat që Beleri i konsideron shpifje.
Në padinë e tij, Beleri ka akuzuar Bido se ka shpifur duke përfshirë emrin e tij në ngjarjen e masakrës së Peshkëpisë dhe duke e lidhur atë me grupime ultra-nacionaliste greke. Jashtë gjykatës, Bido ka theksuar disa muaj më parë se deklaratat e tij ishin të bazuara në fakte të mbështetura nga studiues grekë.
