Në dhjetor të vitit që lamë pas, konkurrenti i “Për’puthen” Arjon Luli plasi bombën në rrjete sociale, pasi tregoi se kishte pasur një marrëdhënie me konkurrenten në emision, Ana Lleshin.
Ai publikoi foton e tyre në shtrat, foto e cila bëri bujë të madhe në media dhe solli debate të mëdha në studio.
Ana mohoi kategorikisht të kishte pasur një lidhje intime me Arjonin duke treguar se kishte ngritur një padi për të dhe së bashku do ta zgjidhnin këtë çështje në gjyq, ndërkohë që Arjoni vazhdoi të publikonte fakte për të vërtetuar të kundërtën.
Si pasojë e fotos së publikuar dhe thyerjes së rregullave, dy konkurrentët u përjashtuan nga “Për’puthen”, ndërsa Ana u ftua në studio për të mësuar vendimin përfundimtar. Pikërisht këtë puntatë, ajo u përball ashpër me Sindin, e cila mbështeti Arjonin dhe nuk besoi në pafajësinë e Anës.
Ana iu drejtua Sindit se “do t’ia plaste në fytyrë” asaj letrën e pafajësisë kur të përfundonte procesi gjyqësor dhe për këtë deklaratë të Anës është pyetur edhe Arjoni.
Dikush i ka shkruar atij në InstaStory: “Kur të të japë gjykata ty të drejtë, merre Sindin dhe përplasja dokumentin në surrat atyre të tjerëve”.
Teksa i është përgjigjur kësaj pyetjeje, Arjoni ka treguar se megjithëse ka shkuar me avokatët për t’u interesuar, deri tani për të nuk rezulton asnjë procedim penal.
“Jam paraqitur bashkë me avokatët e mi tek zyrat, por deri tani kundrejt meje nuk ka asnjë procedim penal.”- shkruan ai.
Mesa duket, ky “kërcënim” i Anës për t’u përballur një gjykatë ishte thjesht një shmangie nga rrëfimi i të vërtetës në ekran përpara një publiku të gjerë dhe shmangia e përgjegjësisë që i takon.
/Gazetareforma.com/
