Foto/ Ja kush është 32-vjeçari që u vra mbrëmë në Durrës, me dy emra dhe baba i një fëmije të vogël

Google+ Pinterest LinkedIn Tumblr +

Durrësi u trondit mbrëmë nga një ngjarje e rëndë, ku një 32-vjeçar humbi jetën pasi u qëllua me armë zjarri sapo ka qenë duke zbritur nga makina.

Edmir Begu ose Ilir Kuçi siç njihej ndryshe, ishte viktima e atentatit në qytetin bregdetar dhe sipas burimeve mediatike dyshohet se është eliminuar për prishje të pazareve të drogës.

Burime bëjnë me dije se ai ishte me origjinë nga Hasi dhe jetonte në Durrës, teksa kishte precedentë penalë, pasi në vitin 2011 ishte dënuar për kanosje, kurse në Itali ishte dënuar për trafik droge.

Atentatorët kanë përdorur një mjet me ngjyrë të zezë dhe qitësi ka qëlluar nga sedilja e pasme. Begu sapo ka parkuar automjetin e tij, është qëlluar me breshëri automatiku nga autorët, të cilët janë larguar me shpejtësi.

Nga ana tjetër, viktima ishte një familjar, pasi ishte baba i një fëmije, por rezulton se ishte i papunë. Dëshmitarët okularë, për shkak të kushteve atmosferike, nuk kanë fiksuar dot targën e mjetit dhe autorët, por policia ka sekuestruar kamerat përreth për të bërë të mundur identifikimin e vrasësve të 32-vjeçarit.

Hetimet

Menjëherë u ngrit një grup i posaçëm hetimor, me në krye shefin e Përgjithshëm të Krimeve, Tonin Vocajn, për të zbardhur këtë ngjarje të rëndë. Policia mblodhi çdo provë të mundshme në vendin e ngjarjes, që mendojnë se do ta ndihmojë për të hedhur më shumë dritë rreth këtij atentati, ndërsa hetimet po shtrihen në disa pista. Një nga pistat kryesore ku është fokusuar grupi i hetimit është e shkuara e 32- vjeçarit, i cili disa vite të jetës së tij i ka kaluar jashtë vendit. Për shkak të problemeve në shtetin fqinj, 32-vjeçari ka ndërruar edhe emrin. Policia po i mbështet hetimet te problemet që ai ka pasur jashtë vendit, por gjithashtu po verifikohen edhe konflikte të kohëve të fundit që ai mund të ketë pasur me persona të tjerë.

Shpërndaje
Share.

Komento