Që punët në Shqipëri bëhen kryesisht për fasadë, kjo dihet. Diçka e tillë, është bërë ves dhe socialistët e bëjnë edhe në një kohë pandemie.
Ditën e djeshme, socialistët ishin mbledhur për Forumin e Gruas në Amfiteatrin tek Liqeni, dhe siç shihet, mes tyre ishte edhe kryetari i bashkisë Tiranë, Erion Veliaj, një nga drejtuesit e fushatës për zgjedhjet në qarkun e Tiranës.
Nga fotot duket se zonjat ishin ulur në distancë në ambientet e hapura të Amfiteatrit, por gjithçka sa për fasadë, sepse vetë Erion Veliaj tregon me mburrje, fotot ku shihet teksa puthen e përqafohen, pa asnjë masë anti-Covid.
Pothuajse asnjë nuk mban maskë, as vetë Veliaj, ndërsa kontakti me duar e duke u puthur e përqafuar është prezent, teksa pozojnë para aparatit fotografik.
/GazetaReforma.com/
