Vrasja e gjeneralit iranian Qassem Soleiman shkaktoi tranzira të shumta.
Kërcënimet mes SHBA dhe Iranit vijojnë dhe ditën e sotme presidenti i Iranit ofroi 3 milionë dollarë për kokën e Trump.
Kërcënime janë bërë edhe ndaj shtetit tonë.
Zëdhënësi i Ministrisë së Punëve të Jashtme në Iran, Abas Mousavi, u shpreh para dy ditësh se Shqipëria ka bërë shumë gabime dhe duhet të kthehet në rrugë të drejtë.
Kështu, që prej datës 3 janar, drejtoria e Anti-terrorit në Policinë e Shtetit ka kaluar në gatishmëri me afat të pacaktuar.
Për më tepër të gjithë shtetasit e huaj nga vendet e lindjes i nënshtrohen një intervistimi të posaçëm si dhe skanimit të gjurmëve të gishtave.
Më pas, ky informacion ndahet në kohë reale me agjencitë partnere ndërkombëtare.
Kujdes është treguar edhe me emigrantët e paligjshëm që tentojnë hyrjen në Shqipëri përmes kufirit të gjelbër.
Top Channel bën me dije se autoritetet e anti-terrorit dhe migracionit po bëhen gati të dëbojnë iranianin Ehsan Bidi, dezertor nga kampi i muxhahedinëve në Manzë.
Ehsan Bidit i është refuzuar leja e qëndrimit dhe aktualisht po mbahet ne qendrën e mbyllur të Karecit derisa të përfundojnë procedurat e largimit të tij.
