Gjatë 24 orëve të fundit, si pasojë e festimeve të Krishtlindjeve, ka pasur një fluks të ulët lëvizjeje në doganën e Kakavijës krahasuar me ditët e mëparshme.
Sipas Policisë Kufitare në Gjirokastër, në këtë doganë kanë kaluar gjithsej 8,448 shtetas në hyrje-dalje, prej të cilëve 6,948 në hyrje dhe 1,500 në dalje.
Po ashtu, janë regjistruar 2,458 mjete në hyrje-dalje, nga të cilat 1,977 në hyrje dhe 481 në dalje.
Gjatë ditës së enjte, nuk janë konstatuar radhë pritjeje në kufi.
Policia Kufitare pret një rritje të fluksit të lëvizjes gjatë fundjavës. Gjatë këtyre ditëve festive, përmes doganës së Kakavijes kanë kaluar rreth 55,000 persona në të dyja drejtimet e kufirit.
