Një nga ish- deputetet më të përfolura nga Partinë Demokratike ka qenë padyshim edhe Rudina Hajdari, e bija e Azem Hajdarit.
Vendosja për dorëheqjen nga mandati dhe më pas tërheqja kanë ngjallur shumë debate, ndaj sot nga studio e “A show” flet pikërisht për këtë vendim që i ktheu kundër vetes jo vetëm kolegët e saj demokrat.
Ajo ka thënë se ka qenë një nga vendimet për të vështrë që mund të ketë marrë, por në fund ka vendosur vetëm për interesin e vendit dhe qëndroi. Ajo ka thënë se në asnjë moment nuk ka menduar koston për veten, thjesht mori vendimin që e arsyetoi se duhet ta merrte.
“Mu desh kohë ta merrja. Arsyetova me veten se ku do më çonte ky vendim, çfarë kosto do kishte për vendin. nuk e mendova në asnjë moment se çfarë kostoje do kishte për mua. Më thanë që duhet të pozicionohesh mirë në PD nëse do një karrierë të gjatë politike dhe unë hezitova e thashë nuk është kjo arsyeja përse jam këtu”, u shpreh deputetja Hajdari.
Mirëpo u përfol shumë se këtë vendim Hajdari e ka marrë për shkak të frikës se mos nëna e saj, Fatmire Hajdari rrezikonte punën si gjyqtare, mirëpo këtë gjë e ka mohuar kategorikisht.
Rudina Hajdari ka thënë se nuk i ka shkuar fare në mend, sepse është komplet jashtë asaj që ajo dëshiron që të kontribuojë në Shqipëri.
“Mamaja ime ka jetën e saj, Vetting-u, reforma në drejtësi ka marrë rrugën e saj. Nuk ndikoj dot në këtë proces. Mamaja ime ka qenë gjyqtare para se unë të hyja në politikë”, tha ajo më tej, duke pohuar se është edhe nënshtetase amerikane.
