Një apartament në lagjen 14 të qytetit të Korçës u përfshi nga flakët pas një zjarri që shpërtheu gjatë pasdites.
Dyshohet se shkak i flakëve ishte një shkëndijë elektrike.
Në vendngjarje mbërritën menjëherë forcat zjarrfikëse, policia dhe ambulanca, ndërsa aty shkoi edhe Prefekti i Korçës, Nertil Jole.
Për shkak të tymit të dendur, një grua u dërgua në spital pasi shfaqi probleme me frymëmarrjen.
Banesa e prekur nga zjarri është në pronësi të Andrea Lakos, i cili jeton i vetëm dhe ndodhet në kushte të vështira ekonomike.
Sipas një prej banorëve të pallatit, zjarri shpërtheu në momentin kur pronari nuk ishte në shtëpi, pasi kishte dalë për të blerë bukë. Banorët, të alarmuar nga flakët, lajmëruan menjëherë zjarrfikësit dhe policinë, të cilët ndërhynë për të shuar zjarrin.
