Peter Handke është fituesi i çmimit Nobel në Letërsi.
Mirëpo 77-vjeçari austriak nuk është shumë i dashur për shqiptarët.
Siç shkruan “Deutsche Welle”, Handke ka qenë një mbështetës i madh i ish-Jugosllavisë.
Ai është rritur afër kufirit slloven dhe ka mbështetur serbët gjatë luftrave ballkanike të vitit 1990.
Në 2006-ën austriaku mori pjesë në funeralin e ish-liderit serb, Sllobodan Millosheviç, i cili është akuzuar për masakra dhe gjenocide.
Njëkohësisht Handke mohon masakrën e Srebrenicës, ndërsa bombardimin e Serbisë nga NATO, e ka quajtur krim lufte.
Pas pjesëmarrjes në funeralin e Millosheviç, këshilli bashkiak i Dusseldorfit i tërhoqi nominimin për çmimin “Heinrich Heine”.
