Firmoset urdhër-arresti për Agim Kajmakun, policia i shkon në shtëpi

Google+ Pinterest LinkedIn Tumblr +

Prokuroria ka lëshuar urdhër-arrestin për ish-kreun e Bashkisë së Vorës, Agim Kajmakun.

“Balkanweb” bën me dije se policia ka shkuar në shtëpinë e Kajmakut, por nuk e ka gjetur.

Kajmaku u shkarkua një javë më parë nga KQZ, pas kërkesës së Prokurorisë së Përgjithshme.

Ky organ bëri verifikimin e letër porosive të ardhurave nga Greqia, për shtetasin Jorgo Toto, i cili rezulton të jetë emri i rremë që ka mbajtur Kajmaku në Greqi.

Agim Kajmaku u zgjodh fitues nga radhët e PS, në zgjedhjet e 30 qershorit.

Ai u denoncua nga PD, për fshehje të të dhënave në ligjin e dekriminalizimit, në lidhje me një dënim në Greqi për falsifikim monedhash dhe kërkoi hetim nga Prokuroria.

Akuzat u provuan edhe nga Prokuroria, e cila bëri krahasimin e shenjave të gishtërinjve.

Vetë Kajmaku mohoi fillimisht akuzat dhe tha se nuk kishte dijeni për dënimin në vendin fqinj.

Pas Valdrin Pjetrit të Shkodrës, Agim Kajmaku është kryebashkiaku i dytë socialist, që largohet nga detyra për shkak të ligjit të dekriminalizimit.

Shpërndaje
Share.

Komento