Në Mitrovicën e Veriut, komunë e banuar me shumicë serbe, qytetarët kanë nisur procesin e votimit në zgjedhjet parlamentare të Kosovës.
Kjo është hera e parë që ata marrin pjesë në votime që prej vitit 2022, kur partia kryesore e serbëve në Kosovë u tërhoq nga institucionet dhe u bëri thirrje qytetarëve të bojkotonin proceset zgjedhore.
Këtë herë, qytetarët serbë janë mbledhur në sheshin kryesor të Mitrovicës së Veriut për të votuar, duke ndjekur traditën e tyre të votimit në grup.
Në këtë proces, atyre u është bashkuar edhe kryetari i Listës Serbe, Zllatan Ellek.
